Dünya baş-ayaq gedir, xəbərin yoxdur, ey can!
Öndə ən alcaq gedir, xəbərin yoxdur, ey can!
 
Zalimlər od qaladı,yandı, yandı, taladı
Qəlbimdə fəraq gedir, xəbərin yoxdur, ey can!
 
Dedin ki, gəl, ol arsız, arsızlar zamanıdır
Doğrular dustaq gedir, xəbərin yoxdur, ey can!

Sən arsız ol istərsən, onsuz da yasayarsan
Ölü qəlblər sağ gedir, xəbərin yoxdur ey can!

Bunların öyrətdiyi əqlinə, kamına bax
Yalanın lap ağ gedir, xəbərin yoxdur, ey can!
 
Öylə bir sanırsan ki, bilirsən hər bir şeyi
Haqq nə sayaq gedir, xəbərin yoxdur ey can!